Langêweh (op Huhdüütsch: Langerwehe) es en Jemeende em Wesskrees van Düre. Et ligg töüsche de Kreesstadt em Osste on Aischwiele em Wesste, esuwie töüsche de Jemeende Inde on Hüêtschewald en Norde on Süde. De Jemeende ligg aan de Nordusslööfere vamm Hüêtschewald on en Deel och em Naturpark Huhes Venn-Eijfel.

Dat Wappe van Langêweh zeech nävve dä Jüliche Löv och drie Döppche, de füê de Döppchebäcke on de drie Dörpsdeeler stonn

Dörpe in de Jemeinde Ändere

Ortsdeel Enwonne
Doê 337
Jehöfte 101
Jejch 215
Hamich 842
Hestere 950
Jöngeschdorp 1710
Langêweh 4196
Luchem 658
Maroêd 688
Orrejejch 348
Pier 782
Schlesch 2445
Schönthal 83
Stötschelauch 981
Wenau 23

Stand: 31.12.2019[1]


Jeschiêt vamm Oêt Langerwehe Ändere

 
Dat Dörp selefs

Dä Haupoêt Langêweh es uss drej angere Dörper entstonnde: Remelsberg (odde och Rymelsberg), Uhles on Wehe. De Jäjend wodd att fröh van de Franken beseedelt on öm et Joar 1000 eröm wodde hee och de iêzte Döppchebäckerej jejgrönget, woafüê dat Dörp och höck noh bekannt es.

Em Meddelahle jehüürte Langêweh füê lange Zick zom Herzochdom Jöllesch, ävver noahdemm dä Napoleon uss Fronkreich erövve koam, wudde de Jäjend, de me höckzedaach als Langêweh kennt, opjedeelt. Dat Dörp Langêweh selevs, suwie Hamisch, Hestere on Stötschelauch wodde Deel vamm nöüjejröngk Kanton Aischwiele, woahenjäje Schlesch, Maroêd, Doê, Jöngeschdörp, Jejch, Ovejejch on Luchem zem Kanton Düre jekumme sinn.

Noah de Nedderlaje van Napoleon jäje de hellije Allianz on Jrußbritannie, woê Langêweh av 1815 bzw. 1822 ene Deel vamm Könneschrich Prüüße jewäßß. Noah de zwejde Weltkreesch wodde de Dörper en dä Jäjend en offizielle Jemeende vamm nöüjejröngke Bondesland Noodrhing-Wäßßfaale, woa se bes höck och jeblievve sinn.

Em Joar 2004 koam noh Pier als nöues Dörp zo d'r Jemeende doazo, noahdemm dat ahle Pier en de Jemeende Inde wäje dä Brongkoll avjerisse wodd.[2]

Stadtfrönkschafte Ändere

Langêweh hätt en Stadtfrönkschaf met de englische Stadt Exmouth.

Kultur Ändere

Langêweh hätt zoademm en bekanntes Döppchebäckerejmuseum, woa me vell övver d'r Döppchebäcke iêh Jeschiêt liêhre on och selefs jet häêstelle kann.[3]. Ussedemm jitt et en Maroêd noh en ahl Wasseschlössje, woa me em Dezember ene schön Wiêhnaatsmaat bezööke kann.[4]

Literatur Ändere

Verwies Ändere

  1. https://www.langerwehe.de/gemeinde/zahlen-daten-fakten.php Letzter Abruf: 15. Mai 2020
  2. https://www.langerwehe.de/gemeinde/geschichte.php De Jeschichte van dä Jemeinde. Letzter Abruf: 15. Mai 2020
  3. https://www.langerwehe.de/tmuseum/index.php Letzter Abruf 15. Mai 2020
  4. https://www.weihnachtsmarkt-merode.de Letzter Abruf: 15. Mai 2020