Et Bilderboochmuseum in Trooßdoorf ees dat eeijnzichste singer Aart en janz Europa. Et befass sich met:

  • künstlerische Bildderboochillustratioone
  • aale un neue Bildderbööcher
  • Künstlerbööcher
Heerehuus vun Bursch Wissem

Dat Bilderboochmuseum ees en dä Bursch Wissem ungerjebraach. Alle zwei Joor witt em Museum seleves dä Trooßdoorfer Bilderboochpreis verjovve.

Jeschichte Ändere

Em Joor 1982 schenk dä Trooßdoorfer Kaufmann Wilhelm Alsleben dä Shtadt sing ömfangreiche Sammlung an Bilderbööcher. Dorunger woren richtije Raritääte un Orijinalzeichnunge äver och moderne Bööcher. Die Sammlung sullt dä Öffentlischkeeijt jezeesch werde un su wudd dat Museum en de Bursch Wissem opjemaat. Die Nöh zom Shtadtwald un zo de Rehjeheeje määt et Bilderboochmuseum un die Bursch zo enem beliebts Ausfloochziel.

Usstellunge Ändere

Neve dä ursprüngliche Ussstellungstööcke vun de Alslebe Stiftung befinge sich mitlerweile och zeemlisch seltene Bööcher em Besitz vum Museum. Unger anderem sin och Bööcher vun dä berühmte Autore Helme Heine, Janosch oder Leo Lionni en de Sammlung.

De Sammlung Brüggemann Ändere

1995 joov dä Jugendboochexperte Proffessor Brüggemann sing circa 2.000 Exemplare ömfassende Sammlung vun Kinderbööcher en et Museums. Et älteste Booch dovun ees us dem Joor 1498.

De Sammlung Waldmann Ändere

Dat Schwizzer Päärchje Elisabeth und Richard Waldmann hatten en 30 Joor övver 800 Bööcher, Illustratioone un Graafikke zom Thema Ruutkäppsche zesammejedraache. Dovun ees dat ällste us em 18. Joorhundert. De waldmanns han dann 2002 die Sammlung demm Museum jeschenk. Se ees höck en_enem eeijene Rauum ze sehen.

De Dauerleihjabe vum Janosch Ändere

Em Joor 1999 hätt sich dä Bildderboochkünstler Janosch dozoo entschloosse, sing Orijiinalzeichnunge däm Bildderboochmuseum usszeliehne. Dodoorch hätt dat Museum en Trooßdoorf de jrüützte Sammlung vun Janosch Orijiinalzeichnunge en de janzen Welt.

Websigge Ändere