Marienthal (Ahr)

He die Sie ös op Stolberjer Platt
(Sije op Stolberjer Platt)
un jeschrieve wie moch öt kallt
(Sije jeschrieve wie moch öt kallt)

Marienthal an dr Floss Ahr es önö kleene Weiler em Landkreis Ahrweiler. Dr kleenere Deel van dr Ocht jehüüd zr Jemeende Dernau, dr jrützde zo d Stadt Bad Neuenahr-Ahrweiler.

Marienthal

Geographie

Marienthal litt tösche Walporzheim un Dernau, tösche Wingberch un Bösch. Dat Örtche litt lengkß van d Ahr. Rääts van d Ahr vängd mo tösche Marienthal un Dernau dr Krauzberch, önö kleene Berch, dä öt op 362 m brengd.

Jätt va vreuer

Singe Aavang vong Marienthal en öm em Joohr 1137 jejründ Kluster, ä däm öm d 40 Nonne läävde. Ä ald Böch es mä övverlävverd, dat em Kluster 7 Werkstätt, ön Brennerei, ön Bäckerei un ö Huuß vöör Jäste ongerbraad wore. Nodäm em Dressichjöhrije Kresch dat Kluster kapott jemaad wode woch, wood öt em 18. Jahrhondöt wärm opjebouwd. No d französische Revolutiun wood öt ävver opjelößd un d Muure als Steebroch jenotzd. Bes hüü send Reste van d au Kerch z see.

Weetschaff

Dat Jeländ wood ävver em Joohr 2004 a Prevatlüüh vorkoovd, un su vordeene d Buure ä Marienthal hön Jeld dörch dr Wingbouw. Op önö Deel van d Häng wäde neu Zoote jezüchd. Turiste, di dr Ruuhwingwanderwäch entlang jönd, brenge d Weetschafte va Marienthal Jeld en d Teisch.

Watt sisch z kikke luhnd

Nävver d au Klusterkerch luhnd öt sisch, önö Bleck en d vreuere Rejiirungsbunker z werpe, ä däm 3000 Lüüh övver önö Mond övverlääve kutte. Em Joohr 2001 wood aajevange, dä Bunker opzölööse. Am 1. Määz 2001 maade em Bunker ö Museum op.

Jätt z lääse

• D Siij van öt vreuere Kluster
• D Siij van dr vreuere Rejiirungsbunker