Friedrich Karl Waechter (* 3. November 1937 in Danzig; † 16. September 2005 in Frankfurt/Main) kennt_mer iehr als F. K. Waechter odder unger singem Singneeh F.K.W. — hä woh ene Künnßler, hätt Billder jezeijshnet, Karikatuure und Kattuuns, Bööcher för Pänz jeschrivve un Shtöcke för et Tiater, alles_op deutsch.

Friedrich Karl Waechter (2001)

Sing Läve Ändere

F. K. Waechter kohm in Danzig in Oßßpreußße op de Welt un is do och opjewaaße, sing Veedel woo Tiegenhof. Der Vatter woo ene Läärer. Hä eß im Kreech duud jeblevve. Im Winnter 1944 op 45 iß sing Fammillisch övver de Oßßsee noh Warnemünde in Mekelnborsh affjehaue. Vun do uß koomen se am Engk noh Sahms in Shleswish-Hollshteijn. Dä Jung jingk dann op de „Lauenburgische Gelehrtenschule“ in Ratzeburg bis hä eijn Johr vüür_em Abbi op de „Kunstschule Alsterdamm“ in Hamburg jewääßelld eß. Do hätt hä Gebrauchsgrafik shtudeet, nohdämm op de ijeßte Schull ald si Tallennt för et Moole un Zeijshne opjevalle woo.

Noh dämm hä fäädish shtudieert hatt, hätt hä beij de „Oberbadische Annoncenexpedition“ in Freiburg im Breisgau en Baade-Württembersh aanjefange. In dä Zick hätt hä och ald Kattuuhnß fö_de „twen“ jemoohld. Die Zeijshnunge hann andere Redacktööre op inn opmerksaam jemaat. Su kräät hä de Nullnummer von dä jrad neu opjemaate sattierishe Zeijtshreff „pardon“ zujeshick. Hä hätt do draan allerleij ze krittisiejere — unn_esu hätt hä sing eijen Enntwürrf för dat Läj_aut an die Redaxjoohn vun dä ihr Jründer jescheck, un sing Ideeje do_beij, wie mer dat Janze noh beßßer optrekke däät. Baal drop woo hä der Läj_aut_Sheff vun_der „pardon“. Dat woo em Aprill 1962. Do hätt hä och dat kleijne schwazze Düüvelshen_entwůrrefe, wat der Hoot am hevve eß, un dobei frunndlijj_am jriemele eß, dat Erkennungszeijche för de „pardon“. Vun 1964 aan hätt hä med däm Robert Gernhardt un däm F. W. Bernstein jemeijnsaam die Sigge „Welt im Spiegel“ jemaat. De „Wellt em Speejel“ woo en shpaßßijje un sattiirishe Beilaag in der „pardon“, un nannt sijj_em Ungetittel: „die unabhängige Zeitung für eine sauberere Welt“ — et jov se bis 1975. Do kunnt hä sing Bejoovung so risht blööhe looße, un och no Hätzenßloßß koomijje Kattuuhnß maache.

Shpääder hätt hä alz Künnßßler freij_schaffen in Frankfurt/Main jelääv un jeärbeijdt.

Zosammen mit F. W. Bernstein, Robert Gernhardt, Eckhard Henscheid, Chlodwig Poth, Bernd Eilert, un Hans Traxler hätt F. K. Waechter die di berüümpte „Neue Frankfurter Schule“ inn_et Lääve jeroofe.

1979 woo hä eine vun dä Jründer för dat Sattiere_Blatt „Titanic“ — wat dann su jet wood, wie e Orjaan för Die „Neu Frankfooter Schull“ ier Werrke bekannt(er) ze Maache — wo hä bes inn_t Johr 1992 metjemaat hätt.

En der Houpsaach hätt hä en dä zick ävver för et Tijaater jeärbeijdt, hä hät Böösher jeshrivve un de Resjie gejeföört. Jannz nevvebeij hät hä och immer widder Eijnlaadunge aanjenumme, för die eijne odder anndere Jaßßproffessuur aan die eijn odder anndere Kunnßakkademmie.

Hä iß schließlijj_am 16. September 2005 met blooß 67 Johr o_m Pukkel jeshtorve, do_füür eß hä schwer krank jewääse. Sing Frau un sing dreij Sööhn hann_en üvverlääf.

Sing Schaffe Ändere

 
Dicke Raupe vun de Waechter

Vöörbillder hätt hä in der aanfännglijje 1960_er Joore i_m so jesinn künnßlerish ärrme Noh_Kreeshs_Deutschland keijn jehatt. Dofüür ävver in USA der Saul Steinberg, wat ene bikannte Kattuunsmooler woo.

Dä F. K. Waechter hüürt mit bei de Jrünnder vun dä „Neue Frankfurter Schule.“

Hä hätt — nevven anndere — för de „twen]]“ för de „pardon“ för de „Konkret“ för de „Titanic“ un för dat „Zeit-Magazin“ jezeischnt. Beij de „pardon“ do hätt hä jannz öff der Tittel und övver ellef Joore aan der Beijlaach: „Welt im Spiegel“ nommaal vieer Sigge met_jemaat. Beij dä „Titanic“ da hätt hää vun de Jründungk aan beß 1992 jede Moondt och sing eijen Rubbrikk: „Das stille Blatt“ med zweij Sigge beijedraare.

Hä hätt Böösher för de Pänz jeshrivve, un Kattoon_Böösher för de Erwaaßene, un Tiatershtöcke_en jooße Zaahl.

Sing erß eijen Booch_Erfollsh woo 1970 dä Anti-Struwwelpeter“. Do met hätt hä dä jood bekannte „Struwwelpeter“, dat Booch för de Shtöpp vum Heinrich Hoffmann, op de Schöpp jenumme, un jett vun dä Ideeje unn dämm Shtiil vun dä antiautoritääre Bewejung ennfliiße looße. Spääder hätt_e jesaat, et wöör imm nidd_esu joot jelunnge, et wöör_emm doch „zoo hollzshnettaadish“ jeroode.

1992 do hatt hä sish offizzjäll von dä sattiirische Zeijnshnereij verafsheedt. Hä wullt sish noch mieh ömm et Thiater för de Pänz kümmere. Dat hätt hä jedonn un mieh wie sibbezich Minnijatuure, Koote Drahmen un Tiatershtöcke för der jannze Oovend jeschrivve.

Sing Preijse Ändere

Sing Böösher Ändere

  • Ich bin der Größte“, Frankfurt am Main: Bärmeier & Nikel, 1966
  • Die Wahrheit über Arnold Hau“, zosamme met F.W. Bernstein un Robert Gernhardt, 1966
  • Der kleine Zweckermann“, Frankfurt am Main: Bärmeier & Nikel, 1969
  • Der Anti-Struwwelpeter“, 1970
  • Die Kronenklauer“, Tex zosamme met Bernd Eilert, 1972
  • Tischlein deck dich und Knüppel aus dem Sack“, Ungertittel: Ein neues Märchen, 1972
  • Brülle ich zum Fenster raus“, Rolleshpillscher för Pänz, mit Texte för zo_m Singe, 1973
  • Wir können noch viel zusammen machen“, Billderbooch, 1973
  • So dumm waren die Hebräer“, 1973
  • Das Ungeheuer-Spiel“, 1975
  • Opa Huckes Mitmach-Kabinett“, 1976
  • Die Bauern im Brunnen“, 1978
  • Wahrscheinlich guckt wieder kein Schwein“, 1978
  • Kiebich und Dutz“, 1979
  • Die Reise“, Ungertittel: „Eine schrecklich schöne Bildergeschichte“, 1980
  • Es lebe die Freihei“, 1981
  • Fühlmäuse, (Spiele und Bilder zum Mitmachen)“, 1981
  • Wer kommt mit auf die Lofoten?“, 1982
  • Das Grundgesetz für die Bundesrepublik Deutschland“, 1982
  • Männer auf verlorenem Posten“, 1983
  • Nur den Kopf nicht hängen lassen“, 1983
  • Der rote Wolf“, 1998
  • Mein 1. Glas Bier“, 1998
  • Die Schöpfung“, 2002
  • Der Teufel mit den drei goldenen Haaren“, e Hüürspill noh däm Määrshe] wat vun dä Brööder Jrimm opjeshrevve woode woor.

För ze Lesse Ändere

  • Oliver Maria Schmitt: „Die schärfsten Kritiker der Elche. Die Neue Frankfurter Schule in Wort und Strich und Bild.“ Berlin: Alexander Fest Verlag 2001. (Op deutsch) ISBN 3-8286-0109-X

Websigge Ändere